आरग ता. मिरज येथे हनुमान जयंतीनिमित्त किसान क्रांती व्यायाम मंडळ आरग यांचेवतीने दिनांक 03 जून 2019 रोजी निकाली कुस्त्यांचे जंगी मैदान भरवण्यात आले होते. तसेच चालू वर्षीपासून "आरग केसरी" हा मानाचा खिताब व मानाची चांदीची गदा हा पुरस्कार चालू केला आहे. यावर्षी या गदेसाठी पै. ओंकार काटकर, आरग विरूद्ध पै. श्रेयस कांबळे, कोल्हापूर यांचेमध्ये सामना रंगला. अत्यंत चुरशीच्या लढतीत पै. ओंकार काटकर याने विरोधी पै. श्रेयस कांबळे यांस एकचाक या डावाने मात केले. तसेच इंटरनॅशनल चॅम्पीयन पै. सूरज शेंडगे यांनी विरोधी पै. यशवंत थोरात यांस कलाजंग या डावाने मात केले. सदर कुस्ती स्पर्धा चिंतामणी मठाच्या ग्राऊंडवर भरवण्यात आल्या होत्या.