आरग ता. मिरज येथे शिवजयंती उत्साहात साजरी

संतोष माने SM News:
            आरग येथे शिवजयंती मोठ्या प्रमाणात साजरी करण्यात आली. विविध मंडळांनी अनेक कार्यक्रमाचे आयोजन केले होते. आरग गावातील विविध मंडळाच्या शिवप्रेमी तरूणांनी सकाळी 09 वाजता एकञ येऊन शिवाजी राजांच्या मूर्तीला दुग्धाभिषेक करून जिजाऊ वंदना म्हणून शिवाजी राजांच्या मूर्तीची पालखीतून भव्य मिरवणूक काढली.
              दिनांक 16 व 17 रोजी छञपती सोशल फौंडेशनच्या वतीने लहान व मोठ्या गटाच्या वक्तृत्व स्पर्धा भरवण्यात आल्या होत्या. वक्तृत्व स्पर्धांना स्पर्धकांचा उत्साह भरपूर होता. वक्तृत्व स्पर्धांचे प्रमुख उद्घाटक म्हणून माजी आमदार शरद पाटील सर व अभिजित (दादा) हारगे उपस्थित होते.
       तसेच मोरेश्वर शिवजयंती महोत्सव आरग येथे महिलांनी शिवरायांचा पाळणा म्हणून व जिजाऊ वंदना म्हणून शिवमूर्तीची प्रतिष्ठापना केली. तसेच रांगोळी स्पर्धा, लहान गट व मोठा गट निबंध स्पर्धा, तसेच "शिवराय मनामनात...शिवजयंती घराघरात..." हे ब्रिद ठेवून शिवरायांची जयंती घराघरात एखाद्या सणाप्रमाणे साजरी व्हावी यासाठी शिवप्रतिमा सजावट स्पर्धा व महाप्रसादाचे आयोजन करण्यात आले होते. तसेच सायंकाळी 07 वाजता लहान मुलांच्या भाषणाचा व व्याख्यानाचा कार्यक्रम पार पडला. स्पर्धेत सहभागी झालेल्या प्रत्येक स्पर्धकाला प्रेरणा मिळावी म्हणून पुस्तक वाटप करण्यात आले.
        सायंकाळी 5 वाजता शिवमुद्रा ढोल-ताशा पथक, आरग यांची भव्यदिव्य मिरवणूक झाली. एकूणच सर्व कार्यक्रमाला आरगकरांनी भरपूर सहकार्य केले.